ބ. ދަރަވަންދޫ ކުނިގޮނޑުގައި މިއަދު އަލިފާނުގެ ހާދިސާއެއް ހިނގައިފި އެވެ.
މިކަމާގުޅޭ ގޮތުން ފުލުހުން ބުނީ ދަރަވަންދޫ އިރުމަތީ ފަރާތު ކުނި ގޮނޑުގައި ރޯވެފައިވާ ކަމުގެ މައުލޫމާތު މިއަދު 12:50 ހާއިރު ލިބިފައިވާ ކަމަށެވެ.
މިހާދިސާ ހިނގިކަން ފުލުހުންނަށް އެނގުމާއެކު ދަރަވަންދޫ ޕޮލިސް ޑެސްކާއި ދަރަވަންދޫ އެއާޕޯޓްގެ ފަޔާ އެންޑް ރެސްކިއުގެ އެހީތެރިކަމާއެކު މިއަދު 1:25 ހާއިރު އަލިފާންގަނޑު ވަނީ ނިއްވާލާފައެވެ.
މި މައްސަލަ އިތުރަށް ތަހުގީގު ކުރަމުން އަންނަ ކަމަށް ފުލުހުން މައުލޫމާތު ދެއްވަ އެވެ.
