ކުރިއަށް އޮތް ލޯކަލް އިންތިހާބާއެކު ބާއްވާ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް ކަނބަލުން ހޮވުމަށް ފިރިހެނުންނަށް ވޯޓު ލެވޭނެކަމަށް އިލެކްޝަންސް ކޮމިޝަނުން ބުނެފިއެވެ.
ރޭ އެކޮމިޝަނުގެ ނައިބު ރައީސް އަހުމަދު އަކްރަމް ކުރެއްވި ޓްވީޓްގައި ބުނެފައިވަނީ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް ވޯޓުލެވޭ ފަރާތްތަކުގެ އިތުރުން، އެ އިންތިހާބުގައި ބައިވެރިވެވޭނީ އެރަށަކަށް ނުވަތަ އެ ސިޓީއަކަށް ނިސްބަތްވާ ކަނބަލަކަށް ކަމަށެވެ. އެހެންނަމަވެސް ވޯޓު ލުމުގެ ހައްގު އަންހެން އަދި ފިރިހެންބޭފުޅުންނަށްވެސް ލިބިގެންވާކަމަށް ޓުވިޓަރުގައި ބުނެފައިވެއެވެ.
ލާމަރުކަޒީ ޤާނޫނުގައިވާގޮތުން އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް މެންބަރުން އިންތިޚާބު ކުރުމަށްޓަކައި ބާއްވާ އިންތިޚާބުގައި ވޯޓު ލުމުގެ ހައްގު އެރަށެއް ނުވަތަ އެސިޓީއެއްގައި ދިރިއުޅޭ ވޯޓު ލުމުގެ ހައްގު ލިބިފައިވާ ހުރިހާ އަންހެނުންނާއި ފިރިހެނުންނަށްވެސް ލިބިގެން ވެއެވެ.
