އަންނަ އާދީއްތަ ދުވަހު މި އަހަރުގެ ދިރާސީ އާ އަހަރު 73،067 ދަރިވަރުންނާއެކު ފެށޭނެކަމަށް އެޑިއުކޭޝަން މިނިސްޓްރީން ބުނެފި އެވެ.
އެޑިއުކޭޝަން މިނިސްޓްރީން ހާމަކުރި ގޮތުގައި މި އަހަރު ސަރުކާރުގެ 212 ސްކޫލެއްގައި ކިޔަވައިދޭނެ އެވެ. އޭގެތެރެއިން 150 ސްކޫލްގައި އެއް ދަންފަޅިއަށް ކިޔަވައިދޭނެ އެވެ. މީގެ އިތުރުން 170 ޕްރީސްކޫލެއްގައި ކިޔަވައިދިނުމަށް ވަނީ ހަމަޖެހިފަ އެވެ.
މީގެ އިތުރުން އަންނަ އަހަރު 150 ސްކޫލެއްގައި އޯ ލެވެލް ހަދާނެ ކަަމަށާއި 50 ސްކޫލެއްގައި އޭ ލެވެލް އިމްތިހާނު ހަދާނެ އެވެ.
އަންނަ އާދީއްތަ ދުވަހު ދިރާސީ އަހަރު ފަށާއިރު ކުރިން ސްކޫލްތަކުގެ ދަރިވަރުން އަހަރީ ޗުއްޓީ ދެމުން އައި އުސޫލަށް އެޑިއުކޭޝަން މިނިސްޓްރީން ވަނީ ބަދަލު ގެނެސް އަހަރީ ޗުއްޓީވަނީ ދެބަޔަކަށް ބަހާލާފައެވެ. އެގޮތުން ސްކޫލް ޗުއްޓީގެ ފުރަތަމަ ބައި ދޭނީ، 31 މެއި 2020 އިން 11 ޖޫން 2020 އަށެވެ. އަދި ދެވަނަ ބައި ދޭނީ، 6 ޑިސެމްބަރު 2020 އިން 7 ޖަނަވަރީ 2021 އަށެވެ.
