90ގެ އަހަރުތަކުގައި ހިންދީ ސިނަމާގައި ރަނިކަން ކުރި ބިއުޓީ ކްއީން، ރަވީނާ ތަންޑަން އަށް މާމަ ދައިއަކު ލިބެން އުޅޭ ކަން އޭނާ ހާމަކޮށްފިއެވެ.
ރަވީނާ ބުނެފައިވަނި “އަހަރެންގެ ބޭބީއަށް ބޭބީ އެއް” ލިބުމުގެ އުފާވެރި ވަގުތު މިހާރު ދަނީ ގުނެވެމުން ކަމުގައެވެ.
ރަވީނާއަށް އަށް މާމަ ދަރިއަކު އަލަށް މިލިބެނީ އޭނާ އެޑޮޕްޓް ކޮށްފައިވާ ދެ ދަރިންގެ ތެރެއިން ދޮށީ ދަރިފުޅު ޗާޔާ އަށެވެ. ޗާޔާ އާއި ޕޫޖާ އެޑޮޕްޓު ކޮށްފައިވަނީ 995ގައެވެ. އޭރު ޗާޔާގެ އުމުރަކީ 11 އަހަރެވެ. ޕޫޖާގެ އުމުރުން 8 އަހަރެވެ.
“ޗީޒްބަޅީހޭ މަސްތު” އެތައް ބަޔަކު ޖެއްސި ލަވައިގެ އަސްލު ކުޅެފައިވާ ކުޅަދާނަ ބަތަލާ، ރަވީނާ ކައިވެނި ކުރީ 1994 ގައި ފިލްމް ޕްރޮޑިއުސަރ އަނިލް އާއެވެ. މި ކައިވެންޏަށް މިހާރު 25 އަހަރުވެފައިވާ އިރު ދެ ކުދިން ވަނީ ލިބިފައެވެ. އެއީ 14 އަހަރުގެ ރަޝާ އާއި 11 އަހަރުގެ ރަންބީރެވެ.
ރަވީނާ ކުޅެފައިވާ މޮޅު ފިލްމު ތަކުގެ ތެރޭގައި ސަލްމާން ކާނާއެކު ކުޅެފައިވާ ޕައްތަރުކޭ ޕޫލް އާއި އަޖޭ އާއެކު ދިލްވާލޭ ، އަނިލް ކަޕޫރާއެކު ލާޑްލާ ، އަދި އަކްޝޭއާއެކު ކުޅުޅެފައިވާ މޮހޮރާ ފާހަގަ ކުރެވެއެވެ. 2002ވަނަ އަހަރު ރަވީނާ ވަނީ އޭނ ކުޅެފައިވާ ދާމަން އިން ބެސްޓް އެކްޓްރެސް ނެޝަނަލް އެވޯޑް ހޯދާފައެވެ.
އެންމެ ފަހުން ރަވީނާ ފެނިފައިވަނީ 2017 ވަނަ އަހަރު ފިލްމް ޝަބް އިންނެވެ.
އޭނާ މިހާރު ގެންދަނީ ސްޓާރ ޕްލަސް އިން ދައްކަ ޑާންސް ރިއަލިޓީޝޯ ، “ނަޗްބަލިއޭ 9 “ގެ ޖަޖެއްގެ ގޮތުގައިވެސް ހަރަކާތްތެރިވަމުންނެވެ.