عَنِ ابْنِ مَسْعُوْدٍ رَضِيَ اللهُ عَنْهُ قَالَ: قَالَ رَسُوْلُ اللهِ z (لَا يَحِلُّ دَمُ امْرِئٍ مُسْلِمٍ يَشْهَدُ أَن لَا إِلٰهَ إِلَّا اللهُ وأَنِّي رسُولُ اللهِ إِلَّا بِإِحْدَى ثَلاَثٍ: الثَّيِّبِ الزَّانِي، وَالنَّفْسِ بِالنَّفْسِ، وَالتَّارِكِ لِدِينِهِ الْمُفَارِقِ لِلْجَمَاعَةِ). رواه البخاريُّ ومسلمٌ.
މާނަ: މާތްﷲ ރުއްސުން ލެއްވި އިބުނު މަސްޢޫދުގެ އަރިހުން ރިވާވެގެންވެއެވެ. އެކަލޭގެފާނު ވިދާޅުވިއެވެ. ރަސޫލުﷲ z ޙަދީޘްކުރައްވާފައިވެއެވެ. “މާތްﷲ މެނުވީ ޙައްޤުވެގެން އަޅުކަމެއް ވެވޭ އިލާހަކު ނެތްކަމަށާއި، ތިމަންކަލޭގެފާނީ މާތްﷲގެ ރަސޫލާކަމަށް ހެކިވާ މުސްލިމަކު، ތިންކަމަކުންކުރެ ކޮންމެ އެއްކަމަކާއި ލައިގެންމެނުވީ، އޭނާމަރައިލުން ހުއްދަ ނުވާނެއެވެ. އެތިންކަމަކީ: މީހަކާ ކައިވެނިކޮށް ޖިމާޢުވުމަށްފަހު ޒިނޭކޮށްފި މީހާއާއި، ޙައްޤަކާ ނުލައި މީހަކު މަރައިފި މީހާއާއި، އިސްލާމްދީން ދޫކޮށް މުރުތައްދުވެ ޖަމާޢަތާއި ވަކިވެގެންފި މީހާއެވެ.”
ޙަދީޘް ލިބިގަންނަވިފިލާވަޅު
- ކައިވެނިކޮށްގެންހުރެ މީހަކާ ގުޅުންހިންގުމުގެ ނުބައިކަން
- އިސްލާމްދީނުގައި ކައިވެންޏަށް ދެވިފައިވާޝަރަފާޤަދަރު
- އިންސާނީ ނަފްސު ކަރާމާތް ތެރިކުރެއްވިކަން
- ޤަޞްތުގައި މީހުން މެރުމުގެ ނުބައިކަން
- އިސްލާމްދިން މަތިވެރިކުރެއްވިކަން
- އިސްލާމްދީން ނޫންއެހެންދީނަކަށް ތަބާވުމަކީ މާތް ﷲ ރުހިވޮޑިގަންނަވާކަމެއްނޫން
- ޖަމާޢަތުން ބޭރުވުމުގެ ނުބައިކަން
