ކަމަދޫ ކައުންސިލުން މިއަހަރު ރައްޔިތުންނަށް ދޭ ރޯދަ ހަދިޔާއަކީ މަސްދަޅާއި އަލަނާސި ދަޅު ކަމަށް އެ ކައުންސިލުން ބުނެފިއެވެ.
އެގޮތުން މިއަހަރު ރޯދަ ހަދިޔާގެ ގޮތުގައި ހަތް އަހަރުފުރިފައިވާ ކަމަދޫ ކޮންމެ ރައްޔިތަކަށް ހަތް މަސްދަޅާއި ހަތް އަލަނާސި ދަޅު ދޭން ކަމަދޫ ކައުންސިލުން ވަނީ ނިންމާފައެވެ.
ކަމަދޫ ކައުންސިލުން ބުނީ ރޯދަމަސް ފެށުމުގެ ކުރިން މި ހަދިޔާ ރަށުގެ ހުރިހާ ފަރާތްތަކަށްވެސް ފޯރުކޮށްދިނުމުގެ މަސައްކަތް ކުރިއަށްގެންދާނެ ކަމަށާއި ރޯދަމަސް އައުމުގެ ކުރިން ހުރިހާ ރައްޔިތުންނަށް މިހަދިޔާ ފޯރުކޮށްދެވޭނެ ކަމަށެވެ.
ރޯދަމަހާ ދިމާކޮށް ރަށްރަށުގެ ކައުންސިލްތަކުން ރައްޔިތުންނަށް މި ބާވަތުގެ އެހީތަކުގެ އިތުރުން ކަރަންޓުބިލް ދައްކައިދިނުން ފަދަ ބޮޑެތި އެހީތައް ވަމުން އަންނައިރު އޭދަފުށީ ކައުންސިލުން މި ފަދަ އެހީތެރިކަމެއް ވޭތިވި އަހަރުތަކުގައިވެސް ފޯރުކޮށްދެވިފައި ނުވާ ކަން ރައްޔިތުން ފާހަގަ ކުރެއެވެ.