އޭދަފުށީގެ އޮފީސްތަކަށް އަމާޒުކޮށްގެން ކޮންމެ އަހަރަކުވެސް ބާއްވަމުންއަންނަ އޮފީސްތަކުގެ ފުޓްސަލް މުބާރާތުގެ ދަށުން މިއަހަރުގެ މުބާރާތް އަންނަ ސެޕްޓެމްބަރމަހުގެ 1 ވަނަދުވަހު ފެށުމަށް ނިންމައިފިއެވެ.
މިކަން މިގޮތަށް ނިންމީ މިހަފްތާގެ ކުރީކޮޅު އޮފީސްތަކުގެ ވެރިންނާއެކު އޭދަފުށީ ޕޮލިސް ސްޓޭޝަންގައި ބޭއްވި ބައްދަލުކުރުންތަކަށްފަހުއެވެ. މިއަހަރުގެ މުބާރާތްވެސް އިންތިޒާމްކުރަން ނިންމާފައިވަނީ ޕޮލިހުންނެވެ.
ކޮންބައިން ޓީމްތަކާއެކު މިއަހަރުގެ މުބާރާތަށް 9 ޓީމެއް ނެރުމަށް ބައްދަލުވުންތަކުންވަނީ އެއްބަސްވެވިފައެވެ. އެގޮތުން ވަކިން ބައިވެރިވާގޮތަށް ހަމަޖެހުނީ ފެނަކަ، އަތޮޅު ކައުންސިލް، ހޮސްޕިޓަލް، ޕޮލިސް ޓީމްކަމަށް އިންތިޒާމް ކޮމެޓީން ބުނެއެވެ. އެކޮމެޓީން ބުނީ ކޮންބައިން ކުރާނީ އުރީދޫ/މީޑިއާ/ކޯޓް ހިމެނޭ ޓީމާ، ސްކޫލް/ޕީޖީ/ފެމެލީ ސެންޓަރު ޓީމް އަދި އެސްޓީއޯ/ރަށުކައުންސިލް ޓީމްގެ އިތުރުން ބޭންކް/ވިލާ ކޮލެޖް ޓީމާ، ދިރާގު/ބަޔޮސްފިޔާ ރިޒާވް ޓީމެވެ.
އޮފީސްތަކަށް ހުޅުވާލައިގެން މިއަހަރު އަތޮޅުކައުންސިލުންވެސް އޮފީސްތަކުގެ ފުޓްސަލް މުބަރާތެއް ބޭއްވިއެވެ.