ދިރާގުގެ ހިއްސާދާރުންނަށް ހިއްސާއަކަށް 11.91 ރުފިޔާ ބަހަން ނިންމައިފިއެވެ.
ދިރާގަށް ސާފު ފައދާގެ ގޮތުގައި މިދިޔަ އަހަރު 905،160،000 ރުފިޔާ ލިބިފައިވެ އެވެ. އެހެންވެ ކުންފުނީގެ ބޯޑުން ނިންމާފައިވަނީ އެ ފައިސާ ހިއްސާއަށް ބެހުމަށެވެ. އެ ނިންމުން ދިރާގުގެ އަހަރީ އާންމު ޖަލްސާ އިން ފާސްވެއްޖެ ނަމަ 11.91ރ. ގެ މަގުން ހިއްސާ ބަހާނެ އެވެ.
ދިރާގުން ހިއްސާގެ ފައިދާގެ ގޮތުގައި މިދިޔަ އަހަރު 897.6 މިލިޔަން ރުފިޔާ ބަހާފައިވެ އެވެ.
ވޭތުވެދިޔަ ހަތް އަހަރު ދިރާގުން ވަނީ ދެމެހެއްޓެނިވި ފައިދާއެއް ހިއްސާދާރުންނަށް ބަހައިފައެވެ.
