ގައުމީ ބެޑްމިންޓަން މުބާރާތުގައި އިއްޔެ ކުޅެވުނު ސެކަންޑްޑިވިޜަން ގެ މެޗާއި އަތޮޅު ލީގުގެ މެޗް އޭދަފުށި ކާމިޔާބު ކުރުމުން ދެ ގްރޫޕުންވެސް އެއްވަނަ ޓީމްގެ ގޮތުގައި އޭދަފުށި ސެމީއަށް ދަތުރު ކޮށްފިއެވެ.
ސެކަންޑްޑިވިރަންގެ ބައިން އިއްޔެ ހަވީރު ، ކީން ސްޕޯޓްސް ކްްލަބް އާއި ވާދަކޮށް އޭދަފުށި މޮޅުވެފައިވަނީ 5-0 އިންނެވެ. އަދި އަތޮޅު ލީގުގައި އޭދަފުށި ވަނީ ހދ.ބީޑީސީ އާއި ވާދަކޮށްގެން 5-0ގެ ނަތީޖާ އިން މެޗް ކާމިޔާބު ކޮށްފައެވެ.
ސެމީ ފައިނަލްގެ މެޗްތައް މިއަދު ކުޅެންހަމަޖެހިފައިވާ އިރު ސެކަންޑް ޑިވިޜަންގައި އޭދަފުށި ވާދަކުރާނީ ސީއެސް ސްޕޯޓްސް އާއެވެ. މެޗް ފެށުމަށް ހަމަޖެހިފައިވަނީ މިއަދު ހަވީރު 4 ޖަހާއިރުއެވެ.
އަތޮޅު ލީގުގައި ހޮޅުދޫ ބީޑީސީއާއި ވާދަކުރާ މެޗް ފެށުމަށް ހަމަޖެހިފައިވަނީ މިރޭ 8 ޖަހާއިރުއެވެ. މެޗުތައް ކުޅުމަށް ހަމަޖެހިފައިވަނީ ކުޅިވަރު އެކުވެނީގެ އިންޑޯ ބެޑްމިންޓަން ކޯޓު ގައެވެ.
