ބ.އަތޮޅު ތައުލީމީ މަރުކަޒުގެ ކިޔެވުން އެއް ދަންފަޅިއަށް ބަދަލު ކޮށްފިއެވެ.
ރޯދަމަސް ނިމި ކުރިން ވެސް އޮތްގޮތަށް ސްކޫލްގެ ކިޔެވުން މިއަދު ފެށީ އެ ބަދާލާ އެކުގައެވެ.
އެއް ދަންފަޅިއަށް ބަދަލުކުރުމާ އެކު ސްކޫލުގެ ކިޔެވުން މެންދުރު ފަހު 1:30ގައި ނިމޭނެއެވެ. ދަރިވަރުން ސްކޫލަށް ހާޒިރުވާން ޖެހެނީ ހެނދުނު 6:40 އަށެވެ.
މި ބަދަލާއެކު އިތުރު ހަރަކާތްތައް ބޭއްވުމަށް ހަމަޖެހިފައިވަނީ ކޮންމެ ބުރާސްފަތި ދުވަހެއްގެ މެންދުރުކުރި 11:45 ން 13:00 އަށް ކަމަށް އެ ސްކޫލުން ބުންޏެވެ.
1978 ވަނައަހަރުން ފެށިގެން ހިނގަމުން އަންނަ ބ. އަތޮޅު ތައުލީމީ މަރުކަޒުގައި މިއަހަރު 700 އަށްވުރެ ގިނަކުދިން ތައުލީމް ހާސިލުކުރަމުން ދެއެވެ.
