ބ.ކަމަދޫގައި ކުނި މެނޭޖްކުރާ މަޒުކަޒެއް އެޅުމުގެ އެއްބަސް ވުމެއްގައި ސޮއިކޮށްފިއެވެ.
މި އެއްބަސް ވުމުގައި ސޮއިކުރުމުގެ ރަސްމިއްޔާތު އޮތީ މިއަދު އެންވަޔަރންމަންޓް މިނިސްޓްރީގައެވެ.
90 ދުވަހުގެ ތެރޭގައި ނިންމާގޮތަށް މި މަސައްކަތް ހަވާލުކޮށްފައިވަނީ ވެހިކޮން ބިލްޑާރސް ޕްރައިވެޓް ލިމިޓެޑާއެވެ. އެ ކުންފުނީގެ ފަރާތުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓާރ އަހުމަދު ރަޝީދެވެ. މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ އަޖުވަދު މުސްތަފާ އެވެ.
އެންވަޔަރަމަންޓް މިނިސްޓްރީން ބުނީ ކަމަދޫގައި ކުނި މެނޭޖިން ސެންޓަރެއް އަޅަނީ ޕީއެސްއައިޕީ ބަޖެޓުން މުޅި މަޝްރޫއަށް ހަރަދުކުރާ ގޮތަށް ކަމަށެވެ. އެ މަޝްރޫއަށް 1.2 މިލިއަން ރުފިޔާ ހަރަދުކުރަން ވަނީ ނިންމާފަ އެވެ.