މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ޒޯން ތިނެއްގައި މިއަދު ހަވީރު ފެހެންދޫ އާއި ނައިފަރު ބައްދަލު ކުރި މެޗު ދެޓީމަށްވެސް ލަނޑެއް ނުޖެހި އެއްވަރު ވުމުން އެއްވަނަ ޓީމުގެ ގޮތުގައި ބ. ފެހެންދޫ، ޒޯން ތިނެއްގެ ފައިނަލަށް ހިނގައްޖެއެވެ.
އަމިއްލަ ރަށުގައި ކުޅުނު މި މެޗުން ނައިފަރު މޮޅު ނުވުމުން ފެހެންދޫއާއެކު ފައިނަލުގައި ވާދަކުރާނީ ރ. މީދޫ އެވެ.
ފެހެންދޫ ކުޅުނު ދެމެޗުން ލިބިފައިވަނީ ހަތަރު ޕޮއިންޓެވެ. މީދޫއަށް ތިން ޕޮއިންޓެވެ. ނައިފަރަށް އެންމެ ޕޮއިންޓެކެވެ.
މި މުބާރާތުގެ ފައިނަލް މެޗު އޮންނާނީ އަންނަ ހޯމަ ދުވަހު ނައިފަރު ދަނޑުގައެވެ. މިއީ މި ދެޓީމުގެ ޒޯން މުބާރާތުގައި ވާދަކުރާ ފުރަތަމަ ފަހަރެވެ.
