އެންމެ ކާމިޔާބު ވިޔަފާރިތައް ފާހަގަކޮށް އެ ވިޔަފާރިތަކުގެ އަގު ވަޒަންކުރުމުގެ ގޮތުން ދެމުން އަންނަ ގޯލްޑް 100ގެ އެވޯޑް ސަލްސާ އިންވެސްޓްމަންޓަށް ލިބިއްޖެއެވެ.
ސަލްސާއަށް މި އެވޯޑް ލިބިފައިވަނީ ބުރާސްފަތިދުވަހުގެ ރޭ ބަނޑޮސް އައިލެންޑް ރިސޯޓްގައި ގޯލްޑް 100 އެވޯޑް ދިނުމަށް ބޭއްވި ރަސްމީ ހަފްލާގައި ޖެންޑާ މިނިސްޓަރ ޒެނީޝާ ޝަހީދު ޒަކީއެވެ.
ގޯލްޑް 100 އަކީ ރާއްޖޭގެ ވިޔަފާރިތަކަށް ޚާއްސަކޮށްގެން، ރާއްޖޭގެ ވިޔަފާރި އަދި ހޮސްޕިޓާލިޓީ މެގަޒިންއެއް ކަމަށްވާ ކޯޕަރޭޓް މޯލްޑިވްސްއިން ކުރިއަށް ގެންދާ އިވެންޓެކެވެ.
ސަލްސާ އިންވެސްޓްމެންޓަށް ގޯލްޑް 100 އެވޯޑް ލިބިފައިވާ އިރު 2002ވަނަ އަހަރުން ފެށިގެން ސަލްސާ ގެ ފަރާތުން އަންނަނީ އެންމެ ފެންވަރު ރަނގަޅު ރެސްޓޯރެންޓްތައް މާލޭގައި ހިންގުމުގެ އިތުރުން އަތޮޅުގެ ރަށްތަކުގައިވެސް މި ވިޔަފާރި ހިންގަން ފަށާފައެވެ. އެގޮތުން އޭދަފުށީގައި ހިންގާ ސަލްސާ ރޯޔަލް ގެ އިތުރުން ސަލްސާގެ ކުޑައިގެ ދަށުން ތުލުސްދޫގައިވެސް ދަނީ ސަލްސާގެ ރެސްޓޯރެންޓެއް ހިންގަމުންނެވެ.
ސަލްސާ ރެސްޓޯރެންޓްތަކުގެ އެންމެ ޚާއްސަ ސިފައެއްގެ ގޮތުގައި އާއްމުން ފާހަގަކުރަނީ އެންމެ އާދައިގެ ފެންވަރުން ފެށިގެން އެންމެ މަތީފެންވަރަށްވެސް ޚިދުމަތް ދެވެން ހުންނަ ތަންތަނަށްވުމުގެ އިތުރުން އަގުވެސް އަތްފޯރާފަށުގައި ލިބެން ހުންނަ ތަންތަނުގެ ގޮތުގައެވެ.
ސަލްސާގެ ހިންގުންތެރި ސިއީއޯ އަދި މެނޭޖިންގ ޑިރެކްޓަރ އިބްރާހީމް އާމީރުއަށް މި މުނާސަބަތުގައި އީވީގެ ފަރާތުން ހެޔޮ އެދުމާ ތަހުނިޔާ ރައްދުކުރަމެވެ.