ކިރީތި ގުރުއާނާބެހޭ މަރުކަޒުގެ އޭދަފުށީ ގޮފިން މިދިޔަ އަހަރު ކުރިޔަށްގެންދިޔަ ގާރީކޯސް ލެވެލް 1 ފުރިހަމަ ކުރި ބައިވެރިންނަށް ސެޓްފިކެޓް ހަވާލުކޮށްފިއެވެ.
ރޭ މަލްޓިޕާޕަސް ހޯލްގައި ބޭއްވި ސެޓްފިކެޓް ދިނުމުގެ ރަސްމިއްޔާތުގައި ބައިވެރިންނަށް ސެޓްފިކެޓް ހަވާލުކޮށްދެއްވީ ބ. އަތޮޅުގެ ކުރީގެ އަތޮޅުވެރިޔެއްކަމުގައިވާ ބ. އޭދަފުށީ އޯކިޑްވިލާ އަބްދުއްރައްޒާގް މުހައްމަދެވެ. މިދިޔަ އަހަރުގެ ކުރީކޮޅު އޭދަފުށީގައި ކުރިޔަށްގެންދިޔަ މިކޯސް ފުރިހަމަކޮށް ސެޓްފިކެޓް ހާސިލްކުރީ 47 ބައިވެރިންނެވެ.
ކީރިތި ގުރުއާނާބެހޭ މަރުކަޒު އޭދަފުށީ ގޮފީގެ ކޯޑިނޭޓަރ އައްޝައިޚް އަބްދުލްމަޖީދު މުހައްމަދު ވިދާޅުވީ އޭދަފުށީ ގޮފިން މިއަހަރު ގާރީކޯސް ލެވެލް 2 ބޭއްވުމަށް ތައްޔާރުވަމުން އަންނަކަމަށެވެ. އަދި އެކޯހާއެކު އިތުރު ކޯސްތަކެއް ފެށޭތޯ މަސައްކަތް ކުރަމުން އަންނަކަމަށްވެސް އޭނާ ވިދާޅުވިއެވެ.
އޭދަފުށީ ކައުންސިލާ، ކީރިތި ގުރުއާނާބެހޭ މަރުކަޒު ގުޅިގެން އޭދަފުށީގައި ގުރުއާނާއިބެހޭ މަރުކަޒުގެ ގޮތްޕެއް ގާއިމްކުރީ މިދިޔަ އަހަރުއެވެ.