9 ނޮވެމްބަރ 2017 (ބ. އޭދަފުށި):- ޗައިނާ ސަރުކާރުން ދިވެހި ސަރުކާރަށް ހަދިޔާކޮށްފައިވާ ލެޑްލައިޓް އޭދަފުށިގެ ގޭގެއަށް ބަހަން ފަށައިފިއެވެ.
މިއަދު ހެނދުނު އޭދަފުށީ އިންޖީނުގޭގައި އޮތް ރަސްމިއްޔާތެއްގައި މިލައިޓްތައް ގޭގެއަށް ދޫކުރުން ފައްޓަވައިދެއްވީ އޭދަފުށީ ކައުންސިލްގެ ރައީސް ތޮލާލް އަބްދުއްރަހްމާންއެވެ.
އޭދަފުށި އިންޖީނުގެއިން ބުނީ “ފަހިއަލި” ނަމުގައި އެންވަޔަރންމަންޓް މިނިސްޓްރީން ކުރިއަށް ގެންދާ ލެޑް ލައިޓް ބެހުމުގެ ތިންވަނަ މަޝްރޫއުދަށުން ކުރިޔަށް ގެންދެވޭ މިހަރަކާތުގައި އޭދަފުށިގެ 650 އަށްވުރެ ގިނަ ގޭބިސީއަށް ލެޑްލައިޓް ދޫކުރެވޭނެކަމަށެވެ. އެގޮތުން ކޮންމެ ޑޮމެސްޓިކް މީޓަރަކަށް ފަސް ލެޑްލައިޓް ދޫކުރުމަށް ހަމަޖެހިފައިވާކަމަށް އޭދަފުށީ އިންޖީނުގެއިން ބުންޏެވެ.
ފޮޓޯތައް: އަލީ އަޝްރަގް
