އެސްޓީއޯ އޭދަފުށި ފިހާރައިގެ ފަރާތުން މާދަމާ ކުޑަކުދިންގެ ހަވީރެއް ބޭއްވުމަށް ނިންމައިފިއެވެ.
އޭދަފުށީގެ ސްޓޭޖް ސަރަހައްދުގައި “ކުޑަކުދިންގެ އުފާ ” ގެ ނަމުގައި ބާއްވާ މި ހަވީރުގައި ކުޑަކުދިންނާ ގުޅޭ ކުޅިވަރުތަކާއި ގިނަ މަޖާކަންތައްތަކެއްގެ އިތުރުން ބޮޑުބެރުގެ ލައިވް ޝޯއެއްވެސް ލައިވްކޮށް ހިނގަމުން ދާނެކަމަށް އެސްޓީއޯއިން މައުލޫމާތު ދެއެވެ.
މާދަމާ އޮންނަ “ކުޑަކުދިންގެ އުފާ ” ގެ ޕޯސްޓަރެއް
މީގެ އިތުރުން މި ހަވީރުގައި އެސްޓީއޯއިން ވިއްކަމުން ގެންދާ ބައެއް ކާއެއްޗެތީގެ ރަހަ ދައްކާލުންވެސް ހިމެނޭކަމަށް މައުލޫމާތު ލިބެއެވެ.
އެސްޓީއޯ ހެޑްއޮފީހުގެ ފަރާތުން މިއަދު ހަވީރުވަނީ މާލޭގައިވެސް މިކަހަލަ ހަވީރެއް ކުރިއަށް ގެންގޮސްފައެވެ.
