ދުނިޔޭގެ މަޝްހޫރު ޕޮޕް ލަވަކިއުންތެރިޔާ ރޮބިންތީކް ބ.ފިނޮޅު ރިސޯޓުގައި ޝޯއެއް ދޭގޮތަށް ހަމަޖެހިއްޖެއެވެ.
ރޮބިންތީކް، ފިނޮޅު ރިސޯޓުގައި ޝޯއެއް ބާއްވާގޮތަށް ހަމަޖެހުނީ މިޖުލައި މަހު 28 ގައި ފެށޭ އެރިސޯޓްގެ ‘1 އޯކް އައިލެންޑް’ ފެސްޓިވަލްއާ ގުޅިގެންނެވެ.
“1 އޯކް އައިލެންޑް ” ފެސްޓިވަލްއަކީ ކޮންމެ އަހަރަކު އެރިސޯޓްގައި ކުރިޔަށް ގެންދާ ސަމާ ބީޗް އެކްސްޓްރަވެގެންޒާ އެކެވެ.
ތިން ދުވަހަށް ދިގުދެމިގެންދާ މި ހަފްލާއަކީ ހުރިހާ އުމުރުފުރާއެއްގެ ގެސްޓުންނަށް ޚާއްސަކޮށްގެން އެންމެންނަށް ބައިވެރިވެވޭ ގޮތަށް އޮންނަ ގިނަ ހަރަކާތްތަކެއް ވެސް އެކުލެވޭ ހަފްލާއެކެވެ.
