ހުރިހާ ރަށެއްގައި މާދަމާރޭ ކޭތަނަމާދު ކުރާނެ

A full moon, also known as the "Blood Moon," is seen during a partial eclipse in the sky over Lake George near the Australian capital city of Canberra on March 14, 2025. Stargazers across a swathe of the world marvelled at a dramatic red "Blood Moon" during a rare total lunar eclipse in the early hours of March 14. (Photo by Izhar KHAN / AFP)

ރާއްޖޭގެ މީހުން ދިރިއުޅޭ ހުރިހާ ރަށެއްގައި މާދަމާރޭ ކޭތަ ނަމާދު ކުރަން ހަމަޖެހިފައިވާ ކަމަށް އިސްލާމިކް މިނިސްޓްރީން ބުނެފި އެވެ.

ބުރާސްފަތި ދުވަހު ނެރުނު ސާކިއުލާއެއްގައި އެ މިނިސްޓްރީން ބުނީ، މާދަމާރޭ ރާއްޖޭގެ ގަޑިން 8:28 ހާއިރު ހަނދުކޭތަ ހިފަން ފަށާނެ ކަމަށާއި، އެންމެ ބޮޑަށް ކޭތަ ހިފާފައި ހުންނާނީ އެ ރޭ 11:11 ހާއިރު ކަމަށެވެ.

ހަނދުކޭތަ ވީއްލާނީ މެންދަމުން އަލިވެ 1:55 ހާއިރު ކަމަށް، މިނިސްޓްރީން ބުންޏެވެ.

މިނިސްޓްރީގެ ސާކިއުލާގައިވަނީ، މާދަމާރޭ 11:12 ގައި، މީހުން ދިރިއުޅޭ ހުރިހާ ރަށެއްގެ އެންމެ ބޮޑު މިސްކިތުގައި ކޭތަ ނަމާދުކުރުމުގެ އިންތިޒާމު ހަމަޖައްސައިދިނުމަށް ކައުންސިލްތަކަށް އަންގައިފައެވެ. އަދި ކޭތަ ނަމާދުގެ ޚުތުބާ މާދަމާ މިނިސްޓްރީގެ ވެބްސައިޓުން ފެންނަން ހުންނާނެ ކަމަށް ވެސް އެ ސާކިއުލާގައި ފާހަގަކޮށްފައިވެއެވެ.

އިސްލާމިކް މިނިސްޓްރީން އެ ސާކިއުލާ ކައުންސިލްތަކަށް ފޮނުވީ މިއަދެވެ.

މާދަމާ ރޭގެ ހިފާ ހަނދުކޭތާ ރާއްޖެއަށް ފުރިހަމައަށް ފެންނާނެ އެވެ. ދެން ރާއްޖެއަށް ފުރިހަމަ ހަނދުކޭތައެއް ފެންނާނީ ޑިސެމްބަރު މަހުގެ 31، 2028 ގަ އެވެ.