އުރީދޫ މޯލްޑިވްސް އިން ހިއްސާއަކަށް 2.70 ރުފިޔާ ބަހަން އެކުންފުނިން ފާސްކޮށްފިއެވެ.
މިގޮތަށް ފާސްކޮށްފައިވަނީ ކްރޮސްރޯޑްސް މެރީނާގައި ރޭ ބޭއްވި އެކުންފުނީގެ އަހަރީ އާންމު ޖަލްސާގައި 98.7 އިންސައްތަ ހިއްސާދާރުންގެ ވޯޓުންނެވެ.
ޖުމްލަ 1،202 ހިއްސާދާރުން މި ޖަލްސާގައި ބައިވެރިވިއެވެ. އޭގެ ތެރެއިން ޕްރޮކްސީ މެދުވެރިކޮށް 1،101 ހިއްސާދާރަކު ބައިވެރިވެފައިވާއިރު، އަމިއްލަ ގޮތުން 101 ހިއްސާދާރަކު ބައިވެރިވެފައިވެއެވެ. މި ހުރިހާ ހިއްސާދާރުން 135.9 މިލިއަން ރުފިޔާގެ ހިއްސާ ތަމްސީލް ކުރެއެވެ.
