ސީސީ އިންޓަރިސޯޓް ފުޓްބޯޅަ މުބާރާތް ހުޅުވުމުގެ ގޮތުން އިއްޔެ ސޮނެވާފުއްޓާ، އަނަންތަރާ ބައްދަލުކުރި މެޗް ޗެންޕިއަން ސޮނެވާފުށި ކާމިޔާބުކޮށްފިއެވެ.
އޭދަފުށީ ފުޓްބޯޅަ ދަނޑުގައި ކުޅުނު މިމެޗް 3 ލަނޑު 1 ލަނޑުން ސޮނެވާ ކާމިޔާބު ކުރިއިރު މެޗްގެ މޮޅު ކުޅުންތެރިޔަކަށް ހޮވުނީ ސޮނެވާ ޓީމްގެ ޖާޒީ ނަމްބަރ 88 އަޒްމީން އަބްދުއްސައްތާރެވެ.
މިމެޗްގެ ފަހު ހާފްގައި ފޯރިގަދަ ކުޅުމެއް ވަނީ ފެނިފައެވެ. އެގޮތުން އަނަންތަރާ ޓީމަށްވަނީ ލަނޑު ޖަހާނެ ގިނަ ފުރުސަތުތަކެއް ލިބި ބޭކާރު ވެފައެވެ.
މިމުބަރާތުގެ މެޗެއް މިއަދު ހަވީރުވެސް ކުޅެވިގެންދާނެއެވެ. ބައްދަލުކުރާނީ ކިހާދޫ މޯލްޑިވްސް އަދި ރޯޔަލް އައިލެންޑް ރިސޯޓް އެވެ.