އެސްޓީއޯ މިނިވަން ޗެމްޕިއަންޝިޕްގެ ސެމީފައިނަލް ފަހުމެޗުގައި މިއަދު ކުޑަހުވަދޫއާއި ތިމަރަފުށި ބައްދަލު ކުރި މެޗު 4-1ން ތިމަރަފުށި ކާމިޔާބު ކުރުމުން ފައިނަލުގައި އޭދަފުށްޓާ ވާދަކުރާ ޓީމަކަށް ތިމަރަފުށި ހޮވިއްޖެއެވެ.
އޭދަފުށި މުބާރާތުގެ ފައިނަލާ ހަމައަށް އައިސްފައިވަނީ އިއްޔެ ކުޅުނު ސެމީފައިނަލްގެ ފުރަތަމަ މެޗުގައި،އެއްވެސް ޓީމަކަށް ލަނޑެއް ކާމިޔާބުނުވެ ދެޓީމު އެއްވަރުވުމުން ޕެނަލްޓީގައި 2-3 ގެ ނަތީޖާއަކުން، އެންމެފަހުގެ ޗެމްޕިއަނުން ކަމަށްވާ ސ.ފޭދޫގެ މައްޗަށް ކުރި ހޯދައިގެންނެވެ.
މި މުބާރާތުގެ ފައިނަލް މެޗު ކުޅުމަށް ހަމަޖެހިފައިވަނީ، މި މަހުގެ 12 ވަނަ ދުވަހުގެރޭ، 9 ޖަހާއިރު ގަލޮޅު ރަސްމީ ދަނޑުގައެވެ.
