އޭދަފުށީ، ކްލަބް ބިގިނަރސްގެ ފަރާތުން ބޭއްވި “މިނިވަން އުފާ ” 3 އޮން 3 ސޮކަރކަޕްގެ ޗެމްޕިއަންކަން ވެލާސިޓީ ހޯދައިފިއެވެ. ވެލާސިޓީ ޗެމްޕިއަންކަން ހޯދާފައިވަނީ ފައިނަލުގައި ކައްކަނީއާ ބައްދަލުކޮށް 2-3 އިން މޮޅުވެގެންނެވެ.
މި މެޗްގައި ވެލާސިޓީގެ މޫސާ ސާއިދު ދެގޯލް ޖަހާފައިވާއިރު އޭނާވަނީ މެޗްގެ މޮޅު ކުޅުންތެރިޔާގެ މަގާމްވެސް ހޯދާފައެވެ. ވެލާސިޓީގެ 3ވަނަ ލަނޑު ޖަހާފައިވަނީ ޝާހީ މޫސާއެވެ.
މި މުބާރާތުގެ އެންމެ މޮޅު 3 ކުޅުންތެރިނެ ގޮތުގައި ހޮވާފައިވަނީ ވެލާސިޓީގެ މޫސާ ސާއިދުއާއި ޓީމް ކައްކަނީގެ ރައްޒާން ރަޝީދުއާއި ޣައްސާމް މުހައްމަދުއެވެ..
