ބެޑްމިންޓަން އެސޯސިއޭޝަން އާއި ނެޝަނަލް އިންސްޓިޓިއުޓް އޮފް ސްޕޯޓްސް އާއި ބ. އަތޮޅު ކައުންސިލް އަދި އޭދަފުށީ ބީޑީސީ ގުޅިގެން އޭދަފުށީގައި ބެޑް މިންޓަން ކޯހެއް އިއްޔެ ހިންގަން ފަށައިފިއެވެ. 20 ބައިވެރިން ނާއެކު ފެށި މިކޯހުގައި ކިޔަވައިދެއްވަނީ ބެޑްމިންޓަން އޭޝިއާ ކޮންފެޑެރޭޝަން (ބީއޭސީ ) ގެ ޓިއުޓަރއެއް ކަމުގައި ބެޑްމިންޓަން އެސޯސިއޭޝަނުން މައުލޫމާތު ދެއްވައެެވެ.
މި މަހުގެ 30 އާހަމައަށް ހިންގާ މި ކޯހުގައި ބައިވެރިވެ ކޯހުން ފާސްވާ ކުދިންނަށް އެމްކިއުއޭ ގަބޫލުކުރާ ސެޓްފިކެޓް ލެވެލް 1 ގެ އެކްރެޑިޓް ފާހެއެް ލިބޭނެކަމުގައި ވެސް އެ އެސޯސިއޭޝަނުން ބުނެއެވެ.