އޭދަފުއްޓަށް ނިސްބަތްވާ ތިން ބޭފުޅުން ހިމެނޭ ގޮތަށް ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑަށް މެންބަރުން ހޮވައި ބޯޑުގެ ޗެއަރޕާސަން އައްޔަންކޮށްފިއެވެ.
މިއަދު ބޭއްވި ބޭންކުގެ ޚާއްސަގޮތުން ކުރާ އާންމު ޖަލްސާ (އީޖީއެމް)ގައި ތިން ބޭފުޅަކު ވަނީ ބޯޑު ޑިރެކްޓަރުންގެ ގޮތުގައި އަންޔަން ކޮށްފައެވެ. އެއީ ބ.އޭދަފުއްޓަށް ނިސްބަތްވާ އޭދަފުށީ ދިގަލި އަހުމަދު އަލީ ހަބީބު(ސ.ހިތަދޫ، ނޫވިލާގެ) އާއި އޭދަފުށީ ފެންއާރު އާދިލު މޫސާ އާއި އޭދަފުށީ ބޯޑިންގ ހައުސް މުހައްމަދު ޝާހިދެވެ.
ޚާއްސަ އާންމު ޖަލްސާއަށް ފަހު ބޭއްވުނު ބޭންކުގެ ބޯޑު ބައްދަލުވުމުގައި އަހުމަދު ޢަލީ ހަބީބު ވަނީ ޗެއަރޕާސަންގެ މަގާމަށް އައްޔަންކޮށްފައެވެ.
މިއާއެކު ސަރުކާރުގެ ފަރާތުން ބީއެމްއެލް ބޯޑަށް ހުށަހަޅާ އަދި އައްޔަންކޮށްފައިވާ ޑިރެކްޓަރުންނަކީ އަހްމަދު އަލީ ހަބީބު، ޢަލީ ފާރިސް މުހައްމަދު، ޢާދިލް މޫސާ، ޑރ. މަރްޔަމް ސުޒީ އާދަމް، އަލީ އިރުފާން، އަދި މުހައްމަދު ޝާހިދު އެވެ.
އާންމު ހިއްސާދާރުންގެ ފަރާތުން އިންތިޚާބުކޮށްފައިވާ ތިން ޑިރެކްޓަރުންނަކީ އަބްދު ނަސީމް، ކަރަންކާ ވިލާ، ހއ. ފިއްލަދޫ އާއި މޫސާ ރަޝީދު، މ. ޤަސީމް އަދި ނަޖީމް އިބްރާހީމް ޒަކަރިއްޔާ، މ. ދާޝީން އެވެ.
