”ލާމަސީލު ހިފުޒް ޕްރޮގްރާމް” ގެ ނަމުގައި ލ. އަތޮޅުން ކައުންސިލުން “ކީރިތި ޤުރުއާން ހިތުދަސްކުރާ ޕްރޮގްރާމެއް ކުރިއަށް ގެންދަން ނިންމައި، ބައިވެރިން ދަސްކުރާ ކޮންމެ ފޮތަކަށް 500ރ. ދޭން ނިންމައިފި އެވެ.
ލ. އަތޮޅު ކައުންސިލާއި ކީރިތި ޤުރުއާނާ ބެހޭ ޤައުމީ މަރުކަޒު ގުޅިގެން ހިންގާ މި ޕްރޮގްރާމަކީ އެއަތޮޅުގައި ޙާފިޡުން އުފެއްދުމަށާއި، ކީރިތި ޤުރުއާން ހިތުން ދަސްކުރުމަށް ބާރު އެޅުމުގެ ކުރިއަށް ގެންދާ ޕްރޮގްރާމެކެވެ.
”ލާމަސީލު ހިފުޒް ޕްރޮގްރާމް“ ގައި ބައިވެރިވެވޭނީ 6 އަހަރުން މަތީގެ ހަމައެކަނި ލާމު އަތޮޅުގެ ރައްޔިތުންނަށެވެ. އަދި 18 އަހަރު ނުފުރޭ ކުދިންނަށް މި ޕްރޮގްރާމުގައި ބައިވެރިވެވޭނީ ބެލެނިވެރިންނާއެކު ހަދާ އެއްބަސްވުމެއްގެ ދަށުންނެވެ.
