ސިންގަޕޫރުގައި އޮތް ފުޑް އޭޝިޔާ 2016 – އެފްއެޗްއޭ ކަލިނަރީ ޗެލެންޖް”ގައި ރާއްޖޭގެ ފަރާތުން ބައިވެރިވި ޓީމްގައި ހިމެނުނު އޭދަފުށީ ބިންހިމަގޭ އަބްދުﷲސޮބާހު އަށް ސުވާސާ މެޑެލް ލިބިއްޖެއެވެ.
ސޮނޭވާ ފުށީގެ ސޫ ޝެފްގެ މަގާމުގައިހުރި ސޮބާއަށް މި މެޑެލް ލިބުނީ “ހޮޓް ކުކިންގ-ލައިވް ” ކެޓަގަރީގައި ވާދަކޮށްގެންނެވެ. ސޮބާއާއެކު އެކު މިޓީމްގައި ހިމެނުނު އަބްދުއްރަޝީދުއަށް ވެސް ވަނީ “ޑްރެސް ދަ ކޭކް ” ކެޓަގަރީން ރިހި މެޑެލް ލިބިފައެވެ.
ސޮބާ އަށް މީގެ ކުރިންވެސް ވަނީ ރާއްޖެއާއި ރާއްޖެއިން ބޭރުގައި ބޭއްވީ ކަލިނަރީ ޗެލެންޖްތަކުގައި ފާހަގަ ކުރެވޭ ކާމިޔާބު ތަކާއެކު ގިނަ މެޑެލް ތަކެއްވެސް ލިބިފައެވެ.
“ފުޑް އޭޝިއާ 2016 – އެފްއެޗްއޭ ކަލިނަރީ ޗެލެންޖު”ގައި، ރާއްޖޭގެ ފަރާތުން ބައިވެރިވި ޓީމުގައި ހިމެނެނީ ޖުމްލަ ހަތަރު ޝެފުންނެވެ. މި ޓީމު ރާއްޖެއައުމަށް ހަމަޖެހިފައިވަނީ މާދަމާ ރެއެވެ.
ސޮބާގެ ކާމިޔާބަށް އޭދަފުށި ވޮއިސް ގެ ފަރާތުން ހޫނު މަރުހަބާއެއް ކިޔަމެވެ.