ރާއްޖޭގައި ނުކުންނަ އެންމެ މަގުބޫލް ނޫސް ”މިހާރު”ގެ އެޑިޓަރު ، އޭދަފުށީ ”މަތިހާ“ އިސްމާއީލް ނަސީރަށް މޭޖަ ސްޓްރޯކްއެއް ޖެހި އޭޑީކޭ ހޮސްޕިޓަލުގައި ފަރުވާ ދޭން ފަށައިފި އެވެ.
އިސްމާލަކީ ”އޭދަފުށި ޓައިމްސް“ ގެ ފައުންޑާ މެންބަރު ވެސް މެއެވެ.
އޭނާއަށް ސްޓްރޯކް ޖެހުނީ މިއަހަރުގެ އަޟްހާ އީދު ފާހަގަކުރުމަށް އިސްމާއިލްގެ އުފަން ރަށް، އޭދަފުއްޓަށް ގޮސް ހުއްޓައި އިއްޔެ ހަވީރު އެވެ.
އެ ރަށު ހޮސްޕިޓަލުން އޭނާއަށް ފަރުވާދިނުމަށް ފަހު އިތުރު ފަރުވާއަށް މާލެ ގެނައި ރޭ 1:00 އެހާކަންހާއިރު އެއާ އެމްބިއުލާންސްގައެވެ.
މައުލޫމާތު ލިބިފައިވާ ގޮތުގައި އިސްމާއީލް ނަސީރުގެ ހާލު ސީރިއަސް ކަމަށާއި ލިބިފައިވާ ގެއްލުންތަކުން އަރައިގަތުމަށް ދުވަސްކޮޅެއް ނަގާނޭކަމަށް ޑޮކްޓަރުން ބުނެފައިވެއެވެ.
ނޫސްވެރިކަމުގައި 28 އަހަރު ހޭދަކޮށްފައިވާ އިސްމާއީލް ނަސީރު ނޫސްވެރިކަން ފެއްޓެވީ ”ގުރަހެލި“ މަޖައްލާ އިންނެވެ. އާއްމުންނަށް އޭނާ ތައާރަފްވީ ދުވަހު ނޫސް “އާފަތިސް” ގައި މަސައްކަތްކުރައްވަން ފެއްޓެވި ހިސާބުންނެވެ. އޭގެ ފަހުން ހަވީރު ނޫހުގައިއޭނާ ވަނީ އާއްމުން ބަލައިގެންނަ މޮޅު ލިޔުންތަކަކުން މަޝްހޫރުކަން ހޯއްދަވާފައި މަގްބޫލު ނޫސްވެރިއެއްގެ މަގާމަށް އައިސްފައެވެ. މިވަގުތު އޭނާ ހުންނެވީ ”މިހާރު“ ނޫހުގެ އެޑިޓަރުގެ މަގާމުގައެވެ.
އެންމެންނާ ވެސް ގުޅޭ، އެނގިހުރި މައުލޫމާތެއް އެހެން މީހުންނަށް ފޯރުކޮށްދިނުމުގައި ނަމޫނާ ދައްކަވާ އިސްމާއިލް ވަނީ ނޫސްވެރިކަމުގެ “ރަން” ގަލަން ވެސް ހާސިލުުރައްވާފައެވެ.
އިސްމާއިލް ނަސީރަށް އަވަސް ޝިފާއެއް މިންވަރު ކުރެއްވުން އެދި ރާއްޖޭގެ މަޝްހޫރު ނޫސްތަކުންނާއި ނޫސްވެރިން ހެއޮއެދުމުގެ ބަސްތަކުންނާއި އވަސް ޝިފާއެއް ދެއްވުން އެދި އަންނަނީ ދުއާކުރަމުންނެވެ.
އިސްމާއިލަށް ވަނީ ނޫސްވެރިކަމުގެ ދާއިރާއިން އާންމު ޚިދުމަތުގެ އިނާމު ލިބިވަޑައިގެންފައެވެ. އަދި، ނޫސްވެރިކަމުގެ ”ރަން ގަލަން“ ވެސް އޭނާ ވަނީ ހާސިލު ކުރައްވައިފައެވެ.
