ރަމަޟާން މަހުގެ މުނާސަބަތުގައި އޭދަފުށި އަންހެނުންގެ ތަރައްގީއަށް މަސައްކަތް ކުރާ ކޮމެޓީ އާއި އޭދަފުށި ކައުންސިލް ގުޅިގެން މުޅި އޭދަފުއްޓަށް ހުޅުވާލައިގެން ބާއްވާ މަދަހަ މުބާރާތް މިރޭ ފަށާނެ ކަމަށް އެކޮމެޓީން ބުނެފި އެވެ.
”ރެޑްވޭވް“ސްޕޮންސާ ކޮށްފައިވާ މިމުބާރާތުގައި ކީސްޓޭޖް ގެ 13 ގްރޫޕާއި 18 އަހަރުންމަތީގެ ހަ ގްރޫޕް ބައިވެރި ވެއެވެ.
އަންހެނުން ކޮމެޓީން މައުލޫމާތު ދިން ގޮތުގައި މި މުބާރާތް ކުރިއަށް ގެންދިއުމަށް ހަމަޖެހިފައިވަނީ މިރެއާއި މާދަމާ އަދި މާދަމާ ރޭ، އޭދަފުށި މަލްޓިޕާޕަސް ސެންޓަރުގަ އެވެ.
މި މުބާރާތުގެ ރަންވަނަ ތަކަށް އިނާމު ކަނޑައެޅިފައިވާއިރު މިއަހަރުގެ މުބާރާތުގެ ”ރަންއަޑު“ ވެސް ހޮވައި އެފަރާތަށްވެސް އިނާމު ކަނޑައަޅާފައެވެ.