ނިޒާމީ ވޯޓު ނެގުމަށް ހުޅުދޫ ދާއިރާގެ ޑިމޮކްރެޓްސް ޕާޓީގެ މެމްބަރު އިލްޔާސް ލަބީބް ހުށަހަޅުއްވާފައިވާ ގަރާރާ ގުޅޭގޮތުން މުޅި މަޖިލީހުގެ ކޮމިޓީގައި ކުރިއަށް ގެންދިޔަ ބަހުސްގެ ތެރެއިން އޭނާ ވަނީ އެ ގަރާރަށް އިސްލާހެއް ހުށަހަޅުއްވައިފަ އެވެ.
މި ގަރާރު މިއަދު ފާސްކުރީ އިލްޔާސް ހުށަހެޅުއްވި އިސްލާހަކާއެކުއެވެ. އެއީ ގަރާރުގައި އޮތް ތާރީޚް 30 އޮކްޓޯބަރަށް އަވަސް ކުރުމަށް ހުށަހެޅުއްވި އިސްލާހެވެ. މި އިސްލާހާއެކު މި ގަރާރު ފާސްކުރީ، އެ ގަރާރަށް ކޮމިޓީގައި ވޯޓަށް އެހިއިރު ހާޒިރުވެތިބި 34 މެންބަރުންގެ ތެރެއިން 31 މެންބަރުންގެ ތާއީދާ އެކުގައެވެ.
މިގޮތައް މި ގަރާރު ފާސްވެފައިވާއިރު ރާއްޖޭގެ ވެރިކަމުގެ ނިޒާމު ބަދަލުކުރުމާ ގުޅޭ ގޮތުން ރައްޔިތުންގެ ހިޔާލު ހޯދުމުގެ އާންމު ވޯޓު އަންނަ އޮކްޓޯބަރު މަހުގެ 30 ވަނަ ދުވަހު ނަގަން އެމްޑީޕީން އިއުތިރާޒު ނުކުރާ ކަމަށް އެ ޕާޓީގެ ހުޅުމާލެ ދާއިރާގެ މެންބަރު އަލީ ނިޔާޒު ވަނީ ވިދާޅުވެފައެވެ.