އިންޓަސްކޫލް ބެޑްމިންޓަން މުބާރާތުގެ ނޯތު ސެންޓްރަލް ޒޯން އަންނަ ހޮނިހިރު ދުވަހު އޭދަފުށީގައި ފަށާގޮތަށް ބެޑްމިންޓަން އެސޯސިއޭޝަން އޮފް މޯލްޑިވްސް އިން ހަމޖައްސައިފި އެވެ.
އޭދަފުށީ އިޖްތިމާއީ މަރުކަޒުގައި ކުރިއަށް ގެންދިއުމަށް ހަމަޖެހިފައިވާ މި މުބާރާތުގައި މިޒޯނުން ބައިވެރިވަނީ ބ. އަތޮޅު ތައުލީމީ މަރުކަޒުގެ އިތުރުން ޅ. ނައިފަރު މަދަރުސަތުލް އިފްތިތާހާއި ނ. ހޮޅުދޫ މޭނާ ސްކޫލާއި ނ. ކުޑަފަރީ ސްކޫލެވެ.
ޖުމްލަ 230 ކުދިން ބައިވެރިވާ މި މުބާރާތް ސެޕްޓެމްބަރ 16- 22 ވަނަ ދުވަހާ ހަމައަށް ކުރިއަށް ދާނެއެވެ.