އޭދަފުށީގައި ހުރި ގުދަނަކުން ބަނގުރާފުޅި ތަކަކާއި ބިޔަރު ދަޅުތަކެއް ހޯދައި ފުލުހުންގެ ބެލުމުގެ ދަށަށް ގެންގޮސްފި އެވެ.
މި ރާފުޅިތަކާއި ބިޔަރު ދަޅުތައް ހޯދާފައިވަނީ އޭދަފުށީ ޕޮލިސް ސްޓޭޝަނަށް ލިބުނު މައުލޫމާތަކާ ގުޅިގެން 3 ޖުލައިގައި ހިންގި އޮޕަރޭޝަނެއްގައި ކަމަށް ފުލުހުން މައުލޫމާތު ދެއްވައެވެ. އެ ގުދަން ބަލައި ފާސްކުރިއިރު 43 ދަޅު ބިޔަރާއި 5 ރާފުޅި ފެނިފައިވެއެވެ.
މި މައްސަލައިގައި މިހާތަނަށް އެއްވެސް މީހަކު ހައްޔަރެއް ނުކުރެއެވެ. އޭދަފުށީ ޕޮލިސް ސްޓޭޝަނުން ދަނީ އެ މައްސަލަ ތަހުގީގު ކުރަމުންނެވެ.
