އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ރައީސުލްޖުމުހޫރިއްޔާ އިބްރާހީމް މުހައްމަދު ސޯލިހް މާދަމާ ބ.އަތޮޅަށް ވަޑައިގަންނަވާ ކަމުގެ މައުލޫމާތު ލިބިއްޖެ އެވެ.
ރައީސަށް މަރުހަބާ ދެންނެވުމަށް އެމްޑީޕީގެ ބ.އަތޮޅު މެންބަރުން ތައްޔާރުވަމުން ދާއިރު ޕާޓީގެ މެންބަރުންނާ ރައީސް ބައްދަލުކުރަން ހަމަޖެހިފައިވާކަމަށްވެސް މައުލޫމާތު ލިބިފައިވެއެވެ.
ރައީސް ސޯލިހު އަތޮޅުތަކަށް ކުރައްވާ ކެމްޕޭން ދަތުރުތަކުގައި ފުރަތަމަ ވަޑައިގަތީ ރ. އަތޮޅަށެވެ. އޭގެ ފަހުން ނ. އަތޮޅުގެ ބައެއް ރައްރަށަށް ވެސް ވަޑައިގެން ކެމްޕޭން ކުރެއްވުމަށް ފަހު މިއަދު ވަޑައިގަތީ އެމަނިކުފާނުގެ އުފަން އަތޮޅު، ފާދިއްޕޮޅަށެވެ.
އެމްޑީޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ މިމަހުގެ 28 ވަނަ ދުވަހު އެވެ.
