70ގެ އަހަރުތަކުގައި ބޮލީވުޑް ގައި ރަނިކަން ކުރި އެކްޓްރެސް ސާދުނާ ، އިންޑިއާގެ ހިންދޫޖާ ހޮސްޕިޓަލުގައި މިއަދު މަރުވެއްޖެއެވެ.
ސާދުނާ މަރުވީ ކެންސަރުބައްޔާ ހަނގުރާމަކުރުމުގައި ގިނަދުވަސްތަކަކު އުޅުމަށްފަހުގައެވެ.
74އަހަރުގެ ސާދުނާ މަރުވުމުގެ ޚަބަރު ލިބުމާއެކު ވަގުތުން އިންޑިއާގެ ސިޔާސީ ބައެއް ލީޑަރުންނާއި އެދުވަސްވަރު އޭނާގެ އެންމެ ގާތް އެކުވެރިން ކަމުގައިވާ ވަހީދާރަހްމާން އާއި ހެލަންގެ އިތުރުން އޭރާއި މިހާރުގެ ތަރިންވެސް އެގެއަށް ދިޔައެވެ.
ސާދުނާ ކުޅެފައިވާ ސުޕަރހިޓް ފިލްމުތަކުގެ ތެރޭގައި “މޭރާ ސާޔާ” އާއި “ވަގުތު” އަދި “ވޯކޯންތީ” ފަދަ އެތައް ފިލްމެއް ހިމެނެއެވެ.
