މެދުކެނޑިފައިވާ މިނިވަން 50ގެ ފުޓްބޯޅަ މުބާރާތުގެ ހިތާދޫ އޭދަފުށިގެ ދެވަނަމެޗް މިއަދު ކުޅޭ ގޮތަށް ނިންމައިފިއެވެ.
މި މެޗް އޮންނަނީ މިއަދު ހަވީރު 4:00ގައި އޭދަފުށީ ރަސްމީ ފުޓްބޯޅަ ދަނޑުގައެވެ.
މި މުބާރާތުގައި އަތޮޅުން ބައިވެރި ވެފައިވަނީ ހަމައެކަނި ހިތާދޫއާއި އޭދަފުުށިކަމުން ކުޅެން ހަމަޖެހިފައިވާ ދެމެޗްގެ ތެރެއިން ފުރަތަމަ މެޗް ހިތާދޫގައި ވަނީ ކުޅެފައެވެ. އެމެޗް 3-0 ގެ ނަތީޖާއިން ކާމިޔާބުކޮށްފައިވަނީ އޭދަފުއްޓެވެ.
ހޯމް އެންޑްއަވޭ އުސޫލުން ކުޅުމަށް ހަމަޖެހިފައިވާ މި މުބާރާތުގެ މިއަދުގެ މެޗްގައި އޭދަފުށި ތިން ގޯލުން ބަލިނުވެއްޖެނަމަ ޒޯން މުބާރާތަށް އަތޮޅު ޗެމްޕިއަންގެ ރީތިނަމާއެކު އޭދަފުށި ކޮލިފައިވާނެއެވެ.
