ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދުމަށް ސަރުކާރުން ހުޅުވާލި 720 ފުރުސަތަށް 1000 ދަރިވަރުން ކުރިމަތިލި ކަމަށް މިނިސްޓާ އޮފް ހަޔާ އެޑިޔުކޭޝަން ޑރ. އިބްރާހީމް ހުސެން ވިދާޅުވެއްޖެ އެވެ.
މިދިޔަ މަހުގެ ހަތް ވަނަ ދުވަހު ހުޅުވާލި ފުރުސަތަށް ކުރިމަތިލުމުގެ ފުރުސަތު މިދިޔަ ބުރާސްފަތި ދުވަހު ވަނީ ހަމަވެފައެވެ.
ފެނަކަ ކޯޕަރޭޝަންގެ “ފެނަކަ އިންސްޓިޓިއުޓް”ގެ ދަސްވެނިވުމުގެ ރަސްމިއްޔާތު ޝަރަފްވެރިކޮށްދެއްވައި ވާހަކަދައްކަވަމުން މިނިސްޓާ އޮފް ހަޔާ އެޑިޔުކޭޝަން ޑރ. އިބްރާހީމް ޙުސައިން ރޭ ވިދާޅުވީ ސަރުކާރުގެ ވިސްނުން ހުރީ މަސައްކަތުގެ ދާއިރާއަށް ހުނަރުވެރި، ފަންނުވެރި، ޒުވާނުން އުފެއްދުމަށް ޓަކައި ވީހާ ވެސް ގިނަ ފުރުސަތު ފަހިކޮށްދިނުމަށް ކަމަށެވެ.
މި އަހަރުގެ ލޯން ސްކީމަށް ހުޅުވާލީ، ސްޓޫޑެންޓު ލޯނު ދޫކުރުމުގައި އެޑްމިިނިސްޓްރޭޓިވް ފީގެ ގޮތުގައި ނަގަމުން އަންނަ އިންޓްރެސްޓު އެއް އިންސައްތައަށް ކުޑަކުރުމަށް ފަހުގައެވެ.