އިންޓަނެޓާ ގުޅޭ ޝަކުވާ ހުށަހަޅަން ”1515“

big_d7p06r4SpEl8rxKTTp5dCYKN4.jpg

އެންވަޔަރންމަންޓް މިނިސްޓަރު ، ޝައުނާ

ސަރުކާރުގެ އިންޓަނެޓް ހެޔޮކުރުމުގެ ސިޔާސަތުގެ ދަށުން “ނެޓްހެޔޮ” ގެ ނަމުގައި ތައާރަފް ކޮށްފައިވާ އިންޓަނެޓް ހިދުމަތާ ގުޅޭގޮތުން ޝަކުވާ ހުށައަޅަން 1515 އަށް ގުޅުމަށް ޓެކްނޮލޮޖީ މިނިސްޓްރީން އެދެފި އެވެ.

“ނެޓްހެޔޮ” ގެ ނަމުގައި ގޭގެއަށް ބްރޯޑްބޭންޑް އިންޓަނެޓުގެ ހެޔޮއަގު ލިބެން ފަށާފައި ވަނީ މި މަހުން ފެށިގެންނެވެ. މޮބައިލް އިންޓަނެޓަށް އައި ބަދަލު އެޕްލައި ވާނީ އަންނަ އޮގަސްޓް މަހުން ފެށިގެންނެވެ.

އަގަށް ގެނައި ބަދަލާއެކު އެންމެ ބޮޑަށް ފާހަގަ ކުރެވެނީ ގައުމީ ބްރޯޑްބޭންޑް އިންޓަނެޓު ސްޕީޑެއް ކަނޑައެޅުމެވެ. މި މަހުން ފެށިގެން ދެ އެމްބީޕީއެސް އަށް ވުރެ ސްޕީޑް ދަށްކޮށް ޕެކޭޖެއް ނުވިއްކޭނެ އެވެ. އަދި އިންޓަނެޓު ހުސްވުމަށްފަހު ދެން ލިބޭ ތްރޮޓޮލް ސްޕީޑް ދެ އެމްބީޕީއެސް އެވެ.

ރާއްޖޭގައި ފޯރުކޮށްދޭ އިންޓަނެޓްގެ އަގުތަކަށް ސަރުކާރުން ހެޔޮ ބަދަލެއް ގެނެސްފައިވާއިރު، އިންޓަނެޓްގެ އަގު ހެޔޮކުރުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ. އެކަމަށް ސަރުކާރުން ބަދަލުތަކެއް ގެނެސްފައި މި ވަނީ، އެކަން ލަސްވެގެން ގިނަ ބަޔަކު އެތައް ދުވަސްތަކެއް ވަންދެން ޝަކުވާ ކުރަމުން ދިޔަ ފަހުންނެވެ.

 

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top