މާލެ އެރޭޓެޑް ވޯޓަރ ކޮމްޕެނީން ހިންގާ ކޮކާކޯލާ ކުންފުނިން ތައްޔާރު ކުރާ ކޮކާކޯލާ ފުޅިއެއްގެ ތެރެއިން އިންސާނެއްގެ ދަތެއް ފެނިއްޖެއެވެ.
ޓްރާންސްޕޭރަންސީ މޯލްޑިވްސް ގެ ސީނިއާ ޕްރޮގްރާމް ކޯނިނޭޓަރު އަދި ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) ގެ ކުރީގެ ނައިބްރައީސް އަހްމަދު ތޮލާލް މިއަދު ކުރެއްވި ޓްވީޓެއްގައި ވިދާޅުވީ މާލޭ އެރޭޓެޑް ވޯޓަރ ކޮމްޕެނީ (އެމްއޭޑަބްލިޔުސީ) އިން ބަންދުކޮށްފައިވާ ކޯކް ފުޅިއެއްގެ ތެރެއިން މިއަދު އިންސާނެއްގެ ދަތެއް ފެނިފައިވާ ކަމަށެވެ.
އެ ކޯކުފުޅި ގަތީ ވީބީ މާޓުން ކަމަށާ ދަތް ފެނުނީ ކޯކުފުޅި ކަނޑާލުމަށްފަހު ތައްޓަކަށް އެޅި ފަހުން ކަމަށްވެސް އޭނާވިދާޅުވެފައިވެއެވެ.
Found this human tooth in the bottle of Coca Cola @CocaCola . The bottle was manufactured by Male’ Aerated Water Company Limited and the bottle was purchased from VB Mart. This didn’t happen to a friend of friend but to me myself. pic.twitter.com/JUKohnlicF
— Ahmed Tholal🎈 (@Tholman_79) June 21, 2021
ސޯޝަލް މިޑިއާ ގައި މި ފޮޓޯ އާއްމު ވަމުން އަންނަ އިރު ކޮކާކޯލާ ކުންފުނީން އަދި މިކަމާބެހޭ ގޮތުން ވަކި އެއްޗެކޭ ނުބުނެ އެވެ.
އެމްއޭޑަބްލިޔުސީ އަކީ ބެވްރޭޖްގެ ބާވަތްތައް ރާއްޖޭގައި އުފައްދާތާ 30 އަހަރުވެފައިވާ ކުންފުންޏެކެވެ. ކޯކާކޯލާގެ އިތުރުން 12 އިންޓަނޭޝަނަލް ބްރޭންޑެއް އެ ކުނފުނިން އުފައްދައި ބާޒާރަށް ނެރެއެވެ.
