މަސްތުވާތަކެއްޗާ ދެކޮޅަށް ފުލުހުން ހިންގަމުން އަންނަ އޮޕަރޭޝަންގެ ދަށުން ތުޅާދުއަށް މަސްތުވާތަކެތި އެތެރެކުރަން އުޅެނިކޮށް އަތުލައިގެންފިއެވެ.
ފުލުހުން މައުލުމާތު ދިން ގޮތުގައި މާލެއިން ތުޅާދުއަށް ދަތުރުކުރަމުންދިޔަ ދޯންޏަކުން މަސްތުވާތަކެތި ގެންދާކަމަށް އިންޓެލިޖެންސަށް ލިބުނު މަޢުލޫމާތަކާ ގުޅިގެން ހިންގި އޮޕަރޭޝަނެއްގައި އެ ދޯނި ބަލައި ފާސްކުރިއިރު މަސްތުވާތަކެތި ކަމަށް ޝައްކުކުރެވޭ އެއްޗެއްހުރި 87 ސެލޯފިންކޮޅު ފެނިފައިވެއެވެ.
މި މައްސަލައާއި ގުޅިގެން މީހަކު ހައްޔަރުކޮށްފައިވާކަމެއް ފުލުހުން ހާމައެއް ނުކުރެއެވެ.
ފުލުހުން ބުނީ މި މައްސަލަ ތަޙްޤީޤު ކުރަމުން އަންނަކަމަށެވެ.
