މިނިވަންކަމަށް 50 އަހަރުފުރުމުގެ ރަންޔޫބީލްގެ އުފާވެރިމުނާސަބަތުގައި އޭދަފުށިގައި މިއަދުހަވީރު އޮތް ހިނގާލުމަކީ ކޮންމެގޮތަކުންބެލިއަސް މިހާތަނަށްބޭއްވުނު އެންމެފުރިހަމަ ހިނގާލުމެވެ. މިހިނގާލުމުގައި ބައިވެރިވި މީހުންގެއަދަދަށް ބަލައިލިއަސް ހިނގާލުމުގައިބައިވެރިންގެ ޝައުގުވެރިކަމާ މޫނުމަތިން ފެންނަ އުފާވެރިކަމަށްބަލައިލިއަސް އަދި މިހިނގާލުމަށް ކުޑަކުދިންނާ އެކުދިންގެ ބެލެނިވެރިން ތައްޔާރުވެފައިވާގޮތަށް ބަލައިލިޔަސް ދެންނެވޭނީ މިއީ މިހާތަނަށް ބޭއްވުނު އެންމެފުރިހަމަ ހިނގާލުންކަމުގައެވެ.
ގައުމީކަމެއްގެ ގޮތުގައި ގައުމީހެދުމުގައި މިނިވަން50 ލޯގޯޖެހި ދިދަތައް ވަޔާވިހުރުވަމުން މިނިވަންކަމުގެ ލަވަކިޔަމުން ރަށުގެ ވަށައިގެންވާ މަގުތަކުގައިވަނީ ހިތްގައިމު ކުޅިވަރުގެ ހަރަކާތަތަކެއްވެސް ދައްކާލާފައެވެ.
ރަސްމީފާލަމާހަމައިންފެށި މިހިނގާލުން ސްޓޭޖްސަރަހައްދަށް ނިންމާލުމަށްފަހުކުޑަކުދިންތަކެއްވަނީ އެތަނުގައިވެސް މިނިވަންދުވަހަގުޅޭ ވަރަށްރީތި ކުޅިވަރުގެ ހަރަކާތްތަކެއް ދައްކާލާފައެވެ.
މި ހަވީރު ނިންމާލާފައިވަނީ މިނިވަންދުވަހާގުޅޭ ދުޢާއެއް ކުރުމަށްފަހުގައެވެ.