ޓީޗަރުންގެ ދުވަހުގެ މުނާސަބަތުގައި ދިރާގުން ޓީޗަރުންނަށް ހާއްސަ އޮފަރ އެއް ތައާރަފްކޮށްފިއެވެ.
“އޭ ޕްލަސް”ގެ ނަމުގައި ތައާރަފްކޮށްފައިވާ މިއޮފަރ ޚިޔާރު ކުރާ ޓީޗަރުންނަށް އަލަށް ގަންނަ ފައިބަރ ބްރޯޑް ބޭންޑް ކަނެކްޝަން ގުޅައިދިނުމާއި އޯއެންޓީ (މޮޑެމް) ހިލޭ ލިބެއެވެ. އަދި ޕޯސްޓް ޕެއިޑުގެ 350 ރުފިޔާއިން މަތީގެ ޕެކޭޖުތައް ގެންގުޅޭ ޓީޗަރުންނަށް ތިން މަސް ދުވަހުގެ ހިލޭ ޑޭޓާ ލިބެއެވެ.
މީގެ އިތުރުން ދިރާގުން ވިއްކާ ފޯނުތަކުންވެސް ޓީޗަރުންނަށް ޚާއްޞަ ޑިސްކައުންޓް ލިބޭ އިރު، ފޯނާ އެކު ބޭނުންކުރެވޭ ތަފާތު އެކްސަސަރީޒްވެސް ހިލޭ ލިބެއެވެ.
މި އޮފަރގައި އެހެން ނަންބަރުތަކަށް ހިލޭ ގުޅޭނެ ކަމަށާއި ވޮއިސް ޕެކޭޖްތަކާއި އެޑްއޮންތައްވެސް ފަސޭހައިން ގަނެލެވޭނެ ކަމަށާ އަދި ކުޑަ ނަމްބަރެއް (ޝޯޓް ކޯޑް) ބޭނުންކޮށްގެން ވެސް ޚިޔާރުކުރާ ނަންބަރުތަކަށް ގުޅޭނެ ކަމަށް ދިރާގުން ހާމަ ކުރެއެވެ.
