ޚިޔާލު ފާޅު ކުރުމުގެ ނަމުގައި ނުވަތަ އިލްމީ ދިރާސާ ކުރުމުގެ ނަމުގައި ވިޔަސް އިސްލާމް ދީނަށް ނުވަތަ ކީރިތި ރަސޫލާ (ސ.އ.ވ) އަށް ބަދު ބަހެއް ނުވަތަ މަލާމާތެއް ރައްދު ކުރުމަކީ ބަލައިގަނެވޭނެ ކަމެއް ނޫން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސައިން ވިދާޅުވެއްޖެއެވެ.
މެމްބަރު އަލީ ހުސައިން މިހެން ވިދާޅުވެފައިވަނީ ރާއްޖޭގައި އިސްލާމްދީން އޮތް ގޮތުގެ މައްޗަށް ކަމަށް ބުނެ، މޯލްޑިވިއަން ޑިމޮކްރެޓިކް ނެޓްވޯކް (އެމްޑީއެން) އިން ނެރުނު ރިޕޯޓްގައި އިސްލާމްދީނާއި ރަސޫލަށް ނިސްބަތްކޮށް ފުރައްސާރަ ކޮށްފައިވާތީ އެކަމާއި ގުޅިގެން ގިނަ ދިވެހިންނާއި ދީނީ އިލްމުވެރިން އިއްޔެއިން ފެށިގެން ކަންބޮޑުވުން ފާޅުކުރަމުން ދަނިކޮށް މިއަދު ކުރެއްވި ޓްވީޓެއްގައެވެ.
އަލީ ހުސައިން މިކަމަށް އިޝާރާތްކުރައްވަމުން ވިދާޅުވީ، “ޚިޔާލު ފާޅުކުރުމުގެ ނަމުގައި ނުވަތަ ޢިލްމީ ދިރާސާ ކުރުމުގެ ނަމުގައިވިޔަސް އިސްލާމް ދީނަށް ނުވަތަ މި ދީނުގެ މާތް ރަސޫލާ މުޙަންމަދު ސައްލަﷲ ޢަލައިހި ވަސައްލަމަ އަށް ބަދުބަހެއް ނުވަތަ މަލާމާތެއް ރައްދުކުރުމަކީ ބަލައިގަނެވޭނެ ކަމެއް ނޫން.” ކަމަށެވެ.
ކިޔުންތެރިންގެ ޚިޔާލު