6 މެއި 2019، ބ. ގޮއިދޫ :- ބ. ގޮއިދޫ ދަނޑުވެރިން ވަނީ މިއަހަރުގެ ރަމަޟާންމަހަށް ވަރަށް ފުރިހަމައަށް ތައްޔާރުވެފައިކަމަށް ގޮއިދޫ ކައުންސިލުން ބުނެއެވެ. ރޯދައަށް ހާއްސަކޮށް ފަންސާހަކަށް ދަނޑު މޭވާއާ ތަރުކާރީން ފައްކާކޮށްފައިވާކަމަށްވެއެވެ. ގޮއިދޫގައި ހުރި އޭދަފުށީ ވޮއިސްގެ ރިޕޯޓަރ ޡާހާ ނިޔާޒު އީވީގެ ކިއުންތެރިންނަށް މިގެނެސްދެނީ ގޮއިދޫ ދަނޑުތަކުގެ އެންމެ ފަހުގެ ހަރަކާތްތައް ފެންނަ ފޮޓޯތަކެކެވެ. ދަނޑުވެރިންނާ ހަވާލާދީ ޡާހާ ބުނަނީ ގޮއިދޫއިން ރޯދަމަސް ނިމެންދެން އަތޮޅަށް ބޭނުންވާ ކަރާއާއި، ތަރުކާރީގެ ބާވަތްތައްކަމުގައިވާ، ކިއުކަންބާ، ބަޓާނާ، ބަށި ފަދަ ތަކެތި ލިބޭނެކަމަށެވެ. އެެހެންނަމަވެސް ގިތެޔޮމިރުސް ރޯދަމަހު ތަދުވާނެކަމަށް އޭނާ ބުންޏެވެ.
