އޭދަފުށީ ބޮޑު މިސްކިތުގެ (މަސްޖިދު މުއީނުއްދީނުއްސާނީ ) ވަށާފާރުގައި ކުލަ އާކުރުމުގެ މަސައްކަތް މިއަދު ފަށައިފިއެވެ.
މި މަސައްކަތުގައި ރަށު ކައުންސިލާއި އޭދަފުށީގައި ގާއިމްކޮށްފައިވާ ސަރުކާރުގެ މުވައްސަސާތަކުގެ މުވައްޒަފުންގެ އިތުރުން ރައްޔިތުންވެސް ބައިވެރިވެއެވެ.
މަސްޖިދު މުއީނުއްދީނުއްސާނީގެ ވަށާފާރުގައި ރޯދައާ ދިމާކޮށް ކުލަ އާކުރަމުން މިދަނީ ވަށާފާރުގެ ކުލަ އާކުރުމަށް ރައްޔިތުން އެދެމުންދާތާ ދެ އަހަރެއްހައި ދުވަސް ފަހުންނެވެ.
މިސްކިތުގެ ވަށާފާރުގައި ކުލަލުމުގެ އިތުރުން އަންހެނުން ނަމާދު ކުރުމަށް ހަމަޖައްސާފައިވާ ބައި، ބޮޑު ކުރުމުގެ މަސައްކަތްވެސް ދަނީ ކުރެވެމުންނެވެ. މިމަސައްކަތް ރޯދަމަސް އައުމުގެ ކުރިން ނިމޭނެ ކަމަށް ކައުންސިލުން ބުނެއެވެ. މީގެ އިތުރުން ޔޫސުފް ކަލޭފާނުގެ މިސްކިތަށް ބައެއް އިތުރު ކުރުމުގެ މަސައްކަތްވެސް ކުރެވެމުން ދާއިރު ރޯދައިގެ ކުރިން މިމަސައްކަތްވެސް ނިންމާލެވޭނެކަމަށް ވެއެވެ.
