ރާއްޖޭގައި ހިންގާ ޖަމިއްޔާތަކާއި ޖަމާއަތްތަކުގެ ކަންކަން ބެލެހެއްޓުމުގެ މަސައްކަތް ޔޫތު މިނިސްޓްރީ އަށް ބަދަލުކޮށްފިއެވެ.
ޖަމިއްޔާތަކާއި ޖަމާއަތްތަކާ ގުޅުންހުރި ކަންކަމާ އެފަދަ ތަންތަން ރެގިއުލޭޓުކުރުމުގެ މަސައްކަތްތައްވެސް މިހާތަނާ ހަމައަށް ކުރަމުން އައީ ހޯމްމިނިސްޓްރީ އިންނެވެ.
ޔޫތު މިނިސްޓްރީން މިއަދު ކުރި އިއުލާނެއްގައި ބުނެފައިވަނީ ޖަމިއްޔާތަކާއި ޖަމާއަތްތަކާ ގުޅޭ އެންމެހާ މަސައްކަތްތަކާއި ކޮމިއުނިޓީ އޯގަނައިޒޭޝަންގެ މަސައްކަތްތަކާ ގުޅޭ ކަންކަން މިދިޔަ ބުދަ ދުވަހުން ފެށިގެން އެ މިނިސްޓްރީގެ މަސައްކަތެއްގެ ގޮތުގައި ރައީސުލްޖުމްހޫރިއްޔާ ކަނޑައަޅުއްވާފައިވާ ކަމަށެވެ.
ވީމާ މިއަދުން ފެށިގެން އެ މަސައްކަތް ކުރަމުންދާނީ ޔޫތު މިނިސްޓްރީން ކަމަށް އެ އިއުލާނުގައި ބުނެފައިވެ އެވެ.
