ކަލާސް ޓީވީ އިން ގެނެސް ދެމުން އައި ރިޔަލިޓީ ޝޯ ، ބިގްބޮސް 12 ދީޕިކާ ކައްކާރު ކާމިޔާބު ކޮށްފިއެވެ.
ޓީވީ ޝޯތަކުން ފެނި މަޝްހޫރު ވެފައިވާ ދީޕިކާ މި ޝޯ ކާމިޔާބު ކުރިކަން އިއުލާނު ކޮށްފައިވަނީ ރޭ މިކަމަށް ޚާއްސަކޮށް ކަލާސް ޗެނަލް އިން ބޭއްވި ގްރޭންޑް ފިނާލޭ ޝޯ ގައެވެ.
މި ޝޯގެ ފައިނަލުގައި ގޮތުގައި ދީޕިކާ އާއި ވާދަކޮށްފައިވަނީ ސްރީސަންތު އެވެ. މި ދެމީހުންގެ އިތުރުން ޓޮޕް ފަހެއްގައި ހިމެނުނީ ރޮމިލް ޗައުދަރީ އާއި ކަރަންވީރު އަދި ދީޕަކް ޓާކުރް އެވެ.
ޝޯގެ ޓޮޕް ތިނެއްގައި ހިމެނުނީ، ދީޕިކާ އާއި ސްރީސަންތު އަދި ދީޕަކް އެވެ. ޝޯ ހަމަޖެހިފައި އޮންނަ އުސޫލުގެ މަތިން ފައިނަލްގެ ތިން ބައިވެރިން 20 ލައްކަ ރުޕީސް އާއެކު ޝޯ ދޫކޮށް ދިއުމުގެ އިޚްތިޔާރު އޮންނާތީ 20 ލައްކަ ރުޕީސް އާއެކު ދީޕަކް ވަނީ ފައިނަލުން ވަކިވެފައެވެ.
މި ޝޯ ދީޕިކާ ކާމިޔާބު ކުރުމުން އޭނާ އަށްވަނީ 30 ލައްކަ ރުޕީސް ލިބިފަ އެވެ.
105 ދުވަހު “ބިގްބޮސް” ގެ ގޭގައި ހޭދަކުރަން ޖެހޭ މި ޝޯ ހުށަހަޅާދީފައިވަނީ ބޮލީވުޑްގެ ސުޕަރސްޓާ ސަލްމާން ޚާން އެވެ.
“ބިގްބޮސް” ޝޯއަކީ ފަރަންސޭސި ވިލާތުގެ ޝޯ އެއް ކަމަށްވާ “ބިގް ބަރަދާ” އަސްލަކަށް ބަލައިގެން ބިނާކޮށް ހަދާފައިވާ ރިއަލިޓީ ޝޯ އެކެވެ.
