ފެއިމްސް ޔުނައިޓެޑްގެ ކުޅުންތެރިން ޗެންޕިއަން ޓްރޮފީއާއެކު / ފޮޓޯ: ފޭސްބުކް
ދަބިގިނާސް އިން އިންތިޒާމްކޮށްގެން ކޮންމެ ރޯދަމަހަކު އޭދަފުށީގައި ބާއްވަމުން އަންނަ 3 އޮން 3 ފުޓްބޯޅަ މުބާރާތުގެ މިއަހަރުގެ ޗެންޕިއަންކަން ފެއިމްސް ޔުނައިޓެޑް ހޯދައިފިއެވެ.
ފެއިމްސް ޗެންޕިއަންކަން ހޯދީ މިރޭ ކުޅުނު ފައިނަލް މެޗްގައި އެފްސީ އޮޒޮކްއާ ވާދަކޮށް 1-0ން މެޗް ކާމިޔާބުކޮށްގެންނެވެ. މެޗްގެ ހަމައެކަނި ލަނޑުޖެހީ ފެއިމްސްގެ އަބްދުﷲ ޒައީމް (އައްބި) އެވެ.
މުބާރާތުގެ އެންމެ މޮޅު ކުޅުންތެރިއަކަށް ހޮވުނީ ފެއިމްސްގެ އިޝާން އިބްރާއީމްއެވެ. އިޝާންގެ އިތުރުން ގަދަ 3 ކުޅުންތެރިންގެ ތެރޭގައި އޮޒޮކްޓީމްގެ ޝިޔާމް އަދި ޑޮލަރުސިޓީގެ މުއާޒުވެސް ހިމެނުނެވެ.
ޓީބީން ބޭއްވި 3 އޮން 3ގެ 5 މުބާރާތުގެ ތެރެއިން މިމުބާރާތާއެކު ފެއިމްސް ޔުނައިޓެޑްވަނީ 3 މުބާރާތް ކާމީޔާބުކޮށް އެންމެ ކާމިޔާބު ޓީމަކަށްވެސް ވެފައެވެ. އަނެއްކޮޅުން ޗެންޕިއަންގެ ހައިސިއްޔަތުން އަންނަ އަހަރުގެ މުބާރާތަށް އޮޓަމެޓިކުން ފެއިމްސް ޔުނައިޓެޑް ކޮލިފައިވެފައިވާކަމަށްވެސް ޓީބީން ބުނެއެވެ.
