ދިވެހި ގައުމީ ޓީމް ސާފް ސުޒުކީ ކަޕް 2018 ކާމިޔާބު ކުރުމާއި ގުޅިގެން އުފާފާޅު ކުރުމުގެ ގޮތުން އޭދަފުށީގައި ސައިކަލް ބުރެއް ބާއްވައިފިއެވެ.
އިއްޔެ ދިވެހިރާއްޖެ އިންޑިއާ އާ ވާދަ ކޮށްގެން 2-1 އިން މޮޅުވެފައިވާ އިރު ގައުމީ ޓީމްގެ މި ކާމިޔާބީގައި އޭދަފުށީގެ ދެކުޅުންތެރިން ކަމުގައިވާ މަޝްހޫރު ހަމްޕް އާއި ސެންޓޭ ހިމެނޭ ކަން ފާހަގަ ކުރަން ޖެހެއެވެ.
ޒުވާނުން އިންތިޒާމް ކޮށްގެން މިއަދު ހަވީރު އޭދަފުށީ ސްޓޭޖް ސަރަހައްދުން ފެށި މި ސައިކަލް ބުރުގައި އޭދަފުށީގެ ޒުވާނުންގެ އިތުރުން ދެ ޖިންސުގެ ހުރިހާ އުމުރެއްގެ މީހުންވެސް ގިނަ އަދަދަކަށް ބައިވެރިވިއެވެ.
ފޮޓޯތައް: ޝާހިރު އަހްމަދު / އީވީ ފޮޓޯ
