އިސްލާމިކް މިނިސްޓްރީއާއި ބ.އަތޮޅު ކައުންސިލް ގުޅިގެން ބ.އަތޮޅުގެ ރަށްތަކުގައި ދީނީ ނަސޭހަތް ދިނުމުގެ ޕްރޮގްރާމެއް އިއްޔެއިން ފެށިގެން ކުރިއަށް އެބަ ގެންދާ ކަމުގައި އަތޮޅު ކައުންސިލުން ބުނެފިއެވެ.
ރައްޔިތުންގެ މެދުގައި ދީނީ ހޭލުންތެރިކަން އިތުުރު ކުރުމުގެ ގޮތުން ކުރިއަށް ގެންދާ މި ޕްރޮގްރާމްގައި ނަސޭހަތް ދެއްވަނީ ކަމަށް ގާބިލް ދީނީ އިލްމްވެރިންނެވެ.
އަތޮޅު ކައުންސިލުން ބުނީ ރަށްރަށުގެ މިސްކިތްތަކުގައި މެންދުރު ނަމާދާއި އަޞްރުނަމާދަށް ފަހު މި ޕްރޮގްރާމު ކުރިއަށްދާނެ ކަމަށާއި މިކަމަށް ރަށްރަށުގެ ކައުންސިލްގެ ފަރާތުން ފުރިހަމަ އެއްބާރުލުން ލިބެމުން ދާ ކަމަށެވެ.
އަތޮޅު ކައުންސިލްގެ ފަރާތުން ފާއިތުވި ރަމަޟާން މަހުވެސް މި ޕްރޮގްރާމް ކުރިއަށް ގެންގޮސްފައި ވެއެވެ.