”ފުށިފަންނު ” ރަސްމީކޮށް ހުޅުވައިފި

DSCN1101.jpg

އޭދަފުށީ ދެކުނު ފަރާތު ހިއްކި ބިމުގައި އަމިއްލަ ފަރާތަކުން ތަރައްގީކުރި ޕާކް ”ފުށިފަންނު ” ރަސްމީކޮށް މިއަދު ހަވީރު ހުޅުވައިފިއެވެ. މި ޕާކް ހުޅުވައިދެއްވީ އޭދަފުށީ ކައުންސިލްގެ ރައީސް ތަލާލު އަބްދުއްރަހްމާން އާއި ނައިބު ރައީސް ހައްވާ ސަމީހާއެވެ.

މިއީ ކުޑަކުދިންނަށް ޚާއްސަ ޕާކެއް ނަމަވެސް މި ޕާކް ތަރައްގީ ކޮށްފައިވަނީ ބޮޑެތ މީހުންނަށް ކަސްރަތު ކުރެވޭނެ ގޮތާއި ދުވާ ޓްރެކެއް ވެސް ހިމަނައިގެންނެވެ.

8000 އަކަފޫޓުގެ މި ޕާކް ހުޅުވުމުގެ ރަސްމިއްޔާތުގައި މި ޕާކް ތަ އުފެއްދުމުގައި އެންމެ ބޮޑު ހިއްސާއެއް އޮތް އޭދަފުށީ “ފެންއާރު ” އާއިލާގެ ފަރާތުން އެއާއިލާގެ މެންބަރެއްކަމުގައިވާ މޯލްޑިވްސް އެއަރޕޯޓް ކޮމްޕެނީގެ މެނޭޖިންގެ ޑިރެކްޓަރ ގެ މަގާމުގައިވެސް ހުންނެވި އާދިލް މޫސާ ވާހަކަ ދެއްކެވިއެވެ. އާދިލުގެ ވާހަކައިގާ ޕާކްގެ ހުރިހާ މަސައްކަތެއްވެސް ކޮށްދީފައިވަނީ ހަމަ ހިލޭ ސާބަހަށް ކަމާއި އެކަމަށް ޓަކައި އެފަރާތްތަކަށް ޝުކުރު އަދާ ކުރެއްވިއެވެ. އަދި މިކަމުގައި އޭދަފުށީ ކައުންސިލުން ދެއްވި އެއްބާރުލުން ފާހަގަކޮށް އެފަރާތަށް ވެސް ޝުކުރު އަދާ ކުރެއްވިއެވެ.

އާދިލް ވިދާޅުވީ ޕާކް ރަސްމީ ކޮށް ހުޅުވުނު ނަމަވެސް މިހާ ހިސާބުން އަދި ނިންމާ ނުލާނެކަމުގައެވެ. އެގޮތުން ކުރިއަށް ދޮޅު މަހެއްހާ ދުވަހުގެ ތެރޭގައި މި ޕާކުގައި ކަސްރަތު ކުރާނެ އިތުރު މެޝިންތަކާއި ކުޑަކުދިން ކުޅޭނެ އިތުރު ސްލައިޑެއް ބަހައްޓަން މަސައްކަތް ކުރަމުން އަންނަ ކަމަށެވެ.

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top