މަޝްހޫރު ދީނީ އިލްމްވެރިޔާ ޝައިޚް އާދަމް ޝަމީމުގެ ދަރުސެއް މިރޭ އޭދަފުށީގައި އޮންނާނެއެވެ.
ބ.އަތޮޅު ތައުލީމީ މަރުކަޒުގެ ޕީޓީއޭގެ ފަރާތުން ބާއްވާ މި ދަރުސް ޚާއްސަކޮށްފައިވަނީ އެ މަރުކަޒުގައި ކިޔަވަމުން އަންނަ ގްރޭޑް 6 އިންފެށިގެން 9 އާދެމެދުގެ ދަރިވަރުންނާ ބެލެނިވެރިންނަށް ކަމަށް ޕީޓީއޭ އިން މައުލޫމާތު ދެއެވެ.
ޕީޓީއޭ އިން ވިދާޅުވީ ، ދަރިވަރުންގެ ތަރުބަވީ ތައުލީމަށް ވަރަށް ބޮޑަށް އިސްކަން ދޭކަމަށާއި އެގޮތުން ފަހަކަށް އައިސް ކޮންމެ އަހަރަކުވެސް ދަރިވަރުންނަށް ދީނީ ދަރުސް ދިނުމަށް ރާއްޖޭގެ ފުންނާބު އުސް ޝައިޚުން މެދުވެރިކޮށް މިފަދަ ޕްރޮގްރާމްތައް ކުރިއަށް ގެންދާ ކަމުގައެވެ.
” ދަރިވަރުންނާއި މައިން ބަފައިންގެ ހައްގުތައް” މި މައުޟޫއަށް ދެއްވަން ހަމަޖެހިފައިވާ މި ދަރުސް ފެށުމަށް ހަމަޖެހިފައިވަނީ މިރޭގެ 8:30 ގައި ބ.އަތޮޅު ތައުލީމީ މަރުކަޒުގެ ހޯލުގައެވެ.